الأربعاء، 2 مارس، 2011

تيجي نعيش عالأمل؟

تيجي نعيش عالأمل
تيجي نعمل نفسنا مصدقين
ان دي مش آخر كلمة
ولا دي آخر نظرة
ولا هو دة الوداع
إن الشمس هتطلع تاني على حبنا
تدوب قسوة ليالي البعد
وتنور طريقنا..علشان نكمله سوا
ليه لازم يكون فراقنا هو النهاية؟
ماتخلي باب الحلم مفتوح
يمكن ييجي يوم
نعدى فيه السور
و نخطى فوق الألم
و تتلاقى العيون..من تاني تتكلم
سيبني أعيش عالأمل
وأشوف فأحلامي
قلبك بيحضن قلبي
ويداوي آلامي
يمكن تلف الدنيا
ونلاقي..فزمان غير الزمان
ومكان غير المكان
براح لحبنا
هستناك
فيوم من الأيام
قريب كان أو بعيد
تيجى ترجع لعمري الربيع
و تمسح دموعي بايديك
و اشوف صورتى تاني فعينيك
وهفضل اعيش عالأمل
حتى لو متحققش
غير بس فالأحلام

ليست هناك تعليقات:

إرسال تعليق