إنه مش بس نهب فلوسنا و ثرواتنا
لأ دة سرق مننا شعورنا بالحياة
كل يوم كنا بننزل الشارع زي الآلات
شايلين هموم الدنيا على اكتافنا
ساخطين على كل شيء
بنلف حوالين نفسنا وخلاص
بنجري لما يتقطع نفسنا ورا لقمة العيش
ولا بنطول غير الفتات
ونفضل نلف و نلف ومفيش حاجة بتتغير
بس هما أقنعونا ان ما باليد حيلة
أهي عيشة و السلام
ولما حصلت المعجزة
بقينا عاملين زي المريض اللي بقاله 30 سنة ملازم الفراش
محتاجين علاج طبيعي علشان نقدر نتحرك
لازم نعالج نفسنا من اليأس و الاستسلام اللي زرعهم جوانا
علشان نقدر نخلي بلدنا أحلى بلد
محتاجين بس تفاؤل..عمل..و إيمان بالله
ليست هناك تعليقات:
إرسال تعليق