الأربعاء، 15 يونيو، 2011

فئوية..فئوية



ايها المجلس السعيد.. ذو الرأي الرشيد.. اليكم مطالبنا بالتحديد:
عايزين لقمة هنية
 و عيشة رضية
و مواصلات آدمية
عايزين سقف يستر
وبيت اربع حيطان يتعمر
عايزين ناكلها بالحلال
 و نتجوز و نجيب عيال
عايزين نحاكم اللي باعوها
 و نحاسب كل اللي خانوها
عايزين حرية تعبير
علشان نشعر بالتغيير
 عايزين مية بدون طعم وريحة
 وشوارع رايقة ومريحة
عايزين نصنع احنا بايدنا
 و نغيظ الصينى اللي كايدنا
عايزين نقضي عالحرامية
 والرشوة و المحسوبية
عايزين نتعالج بالمجان
 وناكل قمح بدون سرطان
عايزين رواتبنا تكفينا
 والاسعار تحن علينا
عايزينكو تحلو الأزمات
 وخصوصا العشوائيات
عايزين كرامتنا تتصان
جوة وبرة وفكل مكان
عايزين مانحسش بالغربة
وعيشيتنا ماتبقاش صعبة
شفتوا ازاي مطالبنا بسيطة
من غير ولا اضراب ولا زيطة
لا طلبنا قصور ولا سرايات
 ولا رصيد بالمليارات
دى مطالب كلها أساسية
اوعوا تقولوا عليها فئوية!


 

ليست هناك تعليقات:

إرسال تعليق